კოსტას მანოლასი: "ბარსელონაში" ჩემი სიტყვის თქმას მოვახერხებდი
"რომას" ბერძენი მცველი, კოსტას მანოლასი ამბობს, რომ თუ კარიერაში ნაბიჯის წინ გადადგმის და ისეთ გუნდში თამაშის შანსი ექნება, როგორიც "ბარსელონაა", თავს აუცილებლად გამოიჩენს.
"ნოემბერში, "რომასთან" კონტრაქტის გახანგრძლივების დროს, კლუბის დირექტორებს, ტოტის და მონჩის ვესაუბრე. მათ დამარწმუნეს, რომ მენდობოდნენ და გუნდის მნიშვნელოვანი ნაწილი ვიყავი. ამის მერე, მათთან ძალიან კარგი ურთიერთობა მაქვს.
არ ვიცი, მოისურვებენ თუ არა ჩემს გაყიდვას, მაგრამ ბუნებრივია, რომ თუ რომელიმე გრანდში გადასვლის შანსი მომეცემა, ბუნებრივია, მის გამოყენებას აუცილებლად ვეცდები. ვფიქრობ, სადაც არ უნდა წავიდე, ჩემი სიტყვის თქმას მოვახერხებ, თუნდაც ეს "ბარსელონა" იყოს. მაგრამ, კატალონიელებს ჩემს მიმართ დაინტერესება არ გამოუხატავთ". - ციტირებს მანოლასის სიტყვებს Football Italia.
ამ სიახლეზე კომენტარები გათიშულია.
კომენტარები [ 24 ]