რაფინია: დარწმუნებული ვიყავი, რომ "ინტერში" დავრჩებოდი, მაგრამ ეს არ მოხდა
"ბარსელონას" ნახევარმცველმა, რაფინია ალკანტარამ განაცხადა, რომ კატალონიურ კლუბში ბრუნდება.
როგორც მოგეხსენებათ, გასული სეზონი, 25 წლის ბრაზილიელმა ფეხბურთელმა, იჯარის წესებით, მილანის "ინტერში" გაატარა. "ნერაძურის", 35 მილიონ ევროდ მისი გამოსყიდვა შეეძლო, მაგრამ იტალიელებმა ამაზე უარი თქვეს.
"ინტერში" გატარებული დრო - ეს შთამბეჭდავი გამოცდილებაა. ჩემთვის მნიშნელოვანი იყო ფეხბურთში დაბრუნება და ტრავმის შემდეგ მეტი სათამაშო პრაქტიკის მიღება. მე კარგად ვიყავი, ნდობა კვლავ მოვიპოვე. "ინტერში" შესანიშნავი დრო გავატარე და ვფიქრობდი, რომ დავრჩებოდი. ამაში დარწმუნებული ვიყავი, ჩვენ ჩემპიონთა ლიგაზე მოვხვდით, მაგრამ გუნდში არ დავრჩი.
ფეხბურთი - ეს ბიზნესია, ზოგჯერ ხალხის სურვილები შესაძლებლობებს ემიჯნება. ახლა მე "ბარსელონას" მოთამაშე ვარ. ყველაფრისთვის მზად ვარ." - ციტირებს რაფინიას Football Italia.
ამ სიახლეზე კომენტარები გათიშულია.
კომენტარები [ 129 ]