უმტიტის და დემბელეს საფრანგეთმა ავსტრალია დაამარცხა [ვიდეო]
მსოფლიო ჩემპიონატის C ჯგუფის გახსნით მატჩში საფრანგეთი ავსტრალიის ნაკრებს დაუპირისპირდა. მიუხედავად იმისა, რომ ფრანგებმა ფავორიტის სტატუსი გაამართლეს და მეტოქე დაამარცხეს, მათ იოლი გამარჯვების მოპოვება ნამდვილად არ გამოუვიდათ.
ანგარიში 58-ე წუთზე ანტუან გრიზმანმა თერთმეტმეტრიანით გახსნა, რამდენიმე წუთში კი მილე იედინაკმა ასევე პენალტით გაიტანა. ფრანგები მატჩის დასრულებამდე 10 წუთით ადრე, პოლ პოგბას გოლით დაწინაურდნენ.
რაც შეეხებათ "ბარსელონელებს", მათთვის თამაში განსაკუთრებულად კარგი არ გამოდგა. სამუელ უმტიტიმ თამაში სრულად ჩაატარა და ნომინალური მასპინძლების კარში პენალტის დანიშვნა სწორედ მის შეცდომას მოყვა, უსმან დემბელე კი მწვრთნელმა მოედინდან მეორე ტაიმში გაიყვანა.
მუნდიალზე მომდევნო თამაში არგენტინასა და ისლანდიას შორის გაიმართება, რომელშიც მონაწილეობას ლიონელ მესი მიიღებს.
ამ სიახლეზე კომენტარები გათიშულია.
კომენტარები [ 75 ]