Marca: ნეიმარის გარემოცვამ "ბარსას" ბრაზილიელის დაბრუნება შესთავაზა
მადრიდული Marca საინტერესო ინფორმაციას ავრცელებს. ავტორიტეტული სპორტული გამოცემის ცნობით, ნეიმარის გარემოცვამ "ბარსელონას" ბრაზილიელი ვარსკვლავის დაბრუნება შესთავაზა.
ეს რამდენიმე დღის წინ მოხდა, როდესაც ანტუან გრიზმანის საკითხი გარკვეული ჯერ კიდევ არ იყო და მაშინ არსებული რეალობის გათვალისწინებით, ნეიმარის "ბარსელონაში" დაბრუნება შეუძლებელი ჩანდა.
გრიზმანმა "ატლეტიკოში" დარჩენა გადაწყვიტა და "ბარსელონას", ტრანსფერებისთვის, "ზედმეტი" 100 მილიონი ევრო გაუჩნდა, მაგრამ ნეიმარის დაბრუნება მაინც ძალიან ძნელი იქნება, რადგან კატალონიელები რთულ ფინანსურ მდგომარეობაში არიან.
ხელმძღვანელობას ნეიმარის დაბრუნებისკენ, შესაძლოა, იმან უბიძგოს, რომ ბოლო დროს, "ბარსელონას" რამდენიმე ფეხბურთელმა განაცხადა, რომ ნეიმარის "რეალში" გადასვლის შემთხვევაში, ისინი უკმაყოფილოები დარჩებოდნენ.
თუ Marca-ს მიერ გავრცელებული ინფორმაცია სწორია, ნეიმარის პსჟ-დან "ბარსელონაში" დაბრუნება ძალიან ძნელი იქნება, მაგრამ არა შეუძლებელი.
ამ სიახლეზე კომენტარები გათიშულია.
კომენტარები [ 9 ]