დეშამმა გრიზმანს ულტიმატუმი წაუყენა

Sport-ის ცნობით, საფრანგეთის ეროვნული ნაკრების მთავარმა მწვრთნელმა, დიდიე დეშამმა, ანტუან გრიზმანს ულტიმატუმი წაუყენა და საკუთარ მომავალთან დაკავშირებით გადაწყვეტილების დროულად მიღება მოსთხოვა.

გავრცელებული ინფორმაციით, დეშამი მისი ყველა ფეხბურთელისგან ითხოვს, რომ სატრანსფერო საკითხები 10 ივნისის ჩათვლით მოაგვარონ. ამის შემდეგ, მათ, მსოფლიო ჩემპიონატის დასრულებამდე, სატრანსფერო მოლაპარაკებებში ჩართვის უფლება აღარ ექნებათ.

ცნობილია, რომ "ბარსელონა" მზადაა ანტუან გრიზმანის გამოსასყიდი თანხა 100 მილიონი ევრო გადაიხადოს, ფრანგი ფეხბურთელის თქმით კი, მას ჯერ არ გადაუწყვეტია, დარჩება "ატლეტიკოში", თუ არა.