გილერმო ამორი: ტიაგოს "ბარსელონაში" დაბრუნება პრობლემა არ იქნება
"ბარსელონას" ერთ-ერთი დირექტორი გილერმო ამორი ტიაგო ალკანტარას კატალონიურ კლუბში შესაძლო დაბრუნებასთან დაკავშირებით საუბრობს.
"ბარსელონას" გულშემატკივრებში, ყოფილი ფეხბურთელების დაბრუნებასთან დაკავშირებით, განსხვავებული მოსაზრებები არსებობს. ზოგი ჩავის აზრს იზიარებს და აცხადებს, რომ თუ ფეხბურთელმა "ბარსელონაზე" ერთხელ უარი თქვა, მას უკან დაბრუნების შანსი არ უნდა მიეცეს. გულშემატკივრების ნაწილი კი კარლეს პუიოლის მოსაზრებას ემხრობა - უარყოფის შემთხვევაში ხომ "ბარსა" სესკ ფაბრეგასზე, ჟერარ პიკესა და ჟორდი ალბაზე იტყოდა უარს.
გილერმო ამორს კი, რომელიც თავადაც "ბარსელონას" ყოფილი ფეხბურთელია, ასეთი პოზიცია აქვს: "თუ "ბარსელონა" ტიაგოს უკან დაიბრუნებს, ამაში არანაირი პრობლემა არ იქნება." ამორის ამ სიტყვებს RAC1 და Sport ციტირებენ.
"ბარსელონას" წარმომადგენლის ასეთი კომენტარი შეგვიძლია იმის დასტურად მივიჩნიოთ, რომ კლუბი ტიაგოს ტრანსფერზე მართლაც მუშაობს.
ამ სიახლეზე კომენტარები გათიშულია.
კომენტარები [ 12 ]