AS: FIFA-მ, შესაძლოა, "ბარსელონა" დასაჯოს
მსოფლიო ფეხბურთის მმართველმა ორგანომ, FIFA-მ, შესაძლოა, "ბარსელონას" 4 სატრანსფერო ფანჯრის განმავლობაში ფეხბურთელების შეძენა აუკრძალოს. ამ ინფორმაციას AS ავრცელებს.
წყაროს ცნობით, სასჯელის მიზეზი, შესაძლოა, გახდეს "ბარსელონას" პრეზიდენტის, ჟოსეპ მარია ბართომეუს განცხადება იმასთან დაკავშირებით, რომ კატალონიურმა კლუბმა მადრიდის "ატლეტიკოს" თავდამსხმელის, ანტუან გრიზმანის ტრანსფერზე მოლაპარაკებები ჯერ კიდევ 2017 წლის ოქტომბერში დაიწყო. FIFA-ს წესების თანახმად, ფეხბურთელს გუნდის წარმომადგენლებთან მოლაპარაკებებში მონაწილეობა არ შეუძლია მანამ, სანამ მიმდინარე კლუბთან კონტრაქტის ამოწურვამდე 6 თვე არ დარჩება.
მადრიდელი ჟურნალისტების ცნობით, FIFA კატალონიური კლუბის მოქმედებებს იკვლევს.
აღსანიშნავია, რომ სასჯელი გრიზმანსაც ემუქრება. ფრანგმა ფეხბურთელმა, შესაძლოა, 4-დან 6 თვემდე დისკვალიფიკაცია მიიღოს.
ამ სიახლეზე კომენტარები გათიშულია.
კომენტარები [ 5 ]