"ლივერპულის" მფლობელი: არ მესმის, რატომ წავიდნენ კოუტინიო და სუარესი "ბარსელონაში"
"ლივერპულის" მფლობელმა, ამერიკელმა მილიონერმა ჯონ ჰენრიმ ჩემპიონთა ლიგის ფინალამდე ორი დღით ადრე ჟურნალისტებთან ინტერვიუში მერსისაიდული გუნდის ყოფილ ფეხბურთელებზე, ფილიპე კოუტინიოსა და ლუის სუარესზე ისაუბრა, რომლებიც ახლა "ბარსელონას" შემადგენლობის მნიშვნელოვანი წევრები არიან.
"არ მესმის, რატომ უნდა წავიდეს ფეხბურთელი პრემიერ ლიგიდან ისეთ ლიგის გუნდში, სადაც კონკურენცია ასე სუსტია, თუნდაც ეს გუნდი "ბარსელონა" იყოს. მათ დაახლოებით 30 უმნიშვნელო მატჩში უნდა მიიღონ მონაწილეობა და ჩემპიონთა ლიგის შეხვედრებს უცადონ.
სუარესს და კოუტინიოს შეეძლოთ, შაბათს მოედანზე ყოფილიყვნენ და ტიტულისთვის ებრძოლათ, მაგრამ ისინი თამაშს უბრალოდ უყურებენ". - განაცხადა ჰენრიმ.
როგორც ჩანს, "ლივერპულმა" ლიდერების დაკარგვა ჯერ კიდევ ვერ მოინელა. რაც შეეხება ტიტულებს, სუარესმა "ბარსელონასთან" ერთად 11 ტურნირი მოიგო, მათ შორის ჩემპიონთა ლიგაც, რომლის მოგების იმედიც ახლა "ლივერპულს" აქვს. ინგლისში მან მხოლოდ ერთი, ლიგის თასის გამარჯვებულის ტიტული მოიპოვა. ფილიპე კოუტინიო კი, რომელიც გუნდს რამდენიმე თვის წინ შეუერთდა, უკვე გახდა ესპანეთის ჩემპიონი და თასის მფლობელი, "ლივერპულში" გატარებული 5 წლის მანძილზე კი არაფერი მოუგია.
ამ სიახლეზე კომენტარები გათიშულია.
კომენტარები [ 8 ]