4 წელი ტიტოს გარეშე
25 აპრილი, "ბარსელონას" გულშემატკივრებისთვის, იოჰან კრუიფის დაბადების გამო, სასიხარულო დღეა, მაგრამ ამ დღეს თან დიდი ტკივილიც ახლავს. სწორედ 25 აპრილს, 4 წლის წინ, 2014 წელს, გარდაიცვალა "ბარსას" ყოფილი ფეხბურთელი და მწვრთნელი ტიტო ვილანოვა.
ვილანოვა "ბარსელონას" სკოლის აღზრდილია, მაგრამ პირველ გუნდში მან ფეხი ვერ მოიკიდა. ტიტო კატალონიურ კლუბს 2007 წელს, "ბარსა ბ"-ს მთავარ მწვრთნელად დანიშნული პეპ გვარდიოლას ასისტენად დაუბრუნდა. ერთი წლის შემდეგ, ის და გვარდიოლა პირველ გუნდში დაწინაურდნენ და მომდევნო 4 წელიწადში 14 ტიტული მოიგეს.
2012 წელს, გუნდიდან გვარდიოლას წასვლის შემდეგ, მთავარ მწვრთნელად ვილანოვა დაინიშნა, რომელმაც "ბარსას" ესპანეთის ჩემპიონატი სარეკორდო 100 ქულით მოაგებინა.
2013 წლის 19 ივლისს, ვილანოვამ თანამდებობა დატოვა, რისი მიზეზიც ჯანმრთელობის მდგომარეობა იყო. 2011 წლიდან მას ავთვისებიანი სიმსივნე აწუხებდა, რის გამოც ტიტო 2014 წლის 25 აპრილს, 45 წლის ასაკში გარდაიცვალა.
ამ სიახლეზე კომენტარები გათიშულია.
კომენტარები [ 3 ]