რონალდინიო: ვილოცოთ, რომ ვინმეს მესის შესაძლებლობების ნახევარი მაინც ჰქონდეს
"ბარსელონასა" და ფეხბურთის ბრაზილიელი ლეგენდა რონალდინიო ლიონელ მესიზე, ფილიპე კოუტინიოსა და პაულინიოზე საუბრობს.
"მესის ჩანაცვლება, როდესაც ის კარიერას დაასრულებს? უნდა ვილოცოთ და იმედი ვიქონიოთ, რომ მისი შესაძლებლობების ნახევარი მაინც ვინმეს ექნება. ესეც საკმარისია.
მესის ქებით არასდროს დავიღლები. ის არა მხოლოდ დიდი ფეხბურთელი, არამედ კარგი ადამიანიცაა. ასეთი რამის ქება არასდროს უნდა შევწყვიტოთ.
ლეო თამაშიდან თამაშამდე უმატებს. ის ცოცხალი ლეგენდაა და მას პატივი უნდა ვცეთ.
კოუტინიო? ძალიან მიხარია, რომ ის "ბარსელონაში" გადავიდა. ვფიქრობ, მისი თვისებები ესპანურ ფეხბურთსა და "ბარსელონას" სტილს იდეალურად მიესადაგება. იმედი მაქვს, ის წარმატებას მიაღწევს, რადგან ამ ფეხბურთელს დიდი შესაძლებლობები აქვს.
კოუტინიო, დღესდღეობით, მსოფლიოში ერთ-ერთი ყველაზე სპეციფიკური ფეხბურთელია. ის ნებისმიერ გუნდს მოერგებოდა. თუ მან მოახერხა და გაიბრწყინა ინგლისში, აგრესიულ, ძლიერ, სწრაფ ფეხბურთში, ეს ნიშნავს, რომ ის ყველგან წარმატებით ითამაშებს.
პაულინიო ისეთ ჩემპიონატში თამაშობდა, რომელსაც დიდი ყურადღება არ ექცევა, მაგრამ მისი შესაძლებლობები ყველამ იცოდა და მან ეს კიდევ ერთხელ დაამტკიცა."
ამ სიახლეზე კომენტარები გათიშულია.
კომენტარები [ 9 ]