"ბარსამ" "სევილიასთან" ქულა გადაარჩინა და "სოსიედადის" რეკორდს 1 მატჩით მიუახლოვდა
ბოლო წუთებზე სუარესის და მესის გოლების წყალობით, "ბარსელონამ" "სევილიასთან" ქულის გადარჩენა მოახერხა. ეს, კატალონიელებისთვის, ზედიზედ 37-ე წაუგებელი მატჩი იყო ლა ლიგაში. შესაბამისად, "რეალ სოსიედადის" მიერ 1978/79 და 1979/80 წლებში დაფიქსირებულ რეკორდამდე კლუბს მხოლოდ 1 მატჩი აშორებს.
საინტერესოა, რომ დაახლოებით 40 წლის წინ, "სოსიედადის" წაუგებელი სერია სწორედ "რამონ სანჩეს-პისხუანზე" შეწყდა და ამასთან "ბარსაც" ძალიან ახლოს იყო.
რაც შეეხება თვითონ შეხვედრას, მასპინძლებმა პირველი ტაიმი მინიმალური სხვაობით, ფრანკო ვასკესის მიერ 36-ე წუთზე გატანილი გოლით მოიგეს. მეორე ნახევრის დასაწყისში ლუის მურიელმა სხვაობა ორამდე გაზარდა, სუარესმა და მესიმ კი გოლები 88-ე და 89-ე წუთებზე გაიტანეს.
"სოსიედადის" შედეგის გამეორებას გუნდი 7 აპრილს, "ლეგანესთან" საშინაო შეხვედრაში ეცდება.
ამ სიახლეზე კომენტარები გათიშულია.
კომენტარები [ 10 ]