რონალდინიო: "იუნაიტედთან" კონტრაქტის ყველა დეტალი შეთანხმებული მქონდა
"ბარსელონას" ლეგენდარულმა ბრაზილიელმა ფეხბურთელმა, რონალდინიომ ის დრო გაიხსენა, როდესაც ცალი ფეხით "მანჩესტერ იუნაიტედში" იყო გადასული, თუმცა, ბოლო წამს არჩევანი კატალონიური კლუბის სასარგებლოდ გააკეთა.
"მე თითქმის გადასული ვიყავი "ემიუში". სანდრო როსელმა დიდი ხნის წინ მკითხა: "თუ მე გავხდები "ბარსელონას" პრეზიდენტი, შენ ჩვენთან გადმოხვალ?" მე დადებითად ვუპასუხე.
"იუნაიტედთან" კონტრაქტის ყველა დეტალი შეთანხმებული მქონდა, ჩემი ტრანსფერი უახლოესი ორი დღის განმავლობაში შეიძლებოდა შემდგარიყო, მაგრამ სანდრო როსელმა დამირეკა და მითხრა, რომ ის "ბარსას" საპრეზიდენტო არჩევნებში მონაწილეობას მიიღებდა.
მე მას დავპირდი, რომ მასთან გადავიდოდი. ეს სწრაფი მოლაპარაკებები იყო. მე ინგლისელებს ვუთხარი, რომ "ბარსელონა" ავირჩიე.
ეს სწორი გადაწყვეტილება იყო. ბრაზილიელებს უყვართ "ბარსა". მე ძალიან მენატრება კლუბი. იქ ხუთი შესანიშნავი წელი გავატარე, კლუბი ნიჭიერ მოთამაშეებს ძალიან აფასებს." - განაცხადა რონალდინიომ.
ამ სიახლეზე კომენტარები გათიშულია.
კომენტარები [ 8 ]