ბუსკეტსი: "ჩელსისთან" საპასუხო მატჩში "ბარსელონა" გამარჯვებისთვის ითამაშებს
"ბარსელონას" საყრდენმა ნახევარმცველმა, სერხიო ბუსკეტსმა "ჩელსისთან" გასამართი ჩემპიონთა ლიგის 1/8 ფინალური ეტაპის საპასუხო მატჩის მოლოდინები გაგვიზიარა. შეგახსენებთ, რომ პირველი მატჩი ლონდონში 1:1 დასრულდა.
"ნულოვანი ფრე მატჩის დასრულებისას კარგი შედეგი იქნება, მაგრამ არა მატჩის მსვლელობისას. საქმე ისაა, რომ "ჩელსის" გოლი ავტომატურად ნიშნავს იმას, რომ გატანა ჩვენც მოგვიწევს. ასე რომ, ხვალ ჩვენ გამარჯვებისთვის ვითამაშებთ.
2012 წელს "ჩელსისთან" გავარდნა? ნებისმიერ მატჩში შეიძლება რაღაცის სწავლა, იმ მატჩშიც კი, რომელიც დიდი ხნის წინ შედგა. ჩვენ მაშინ კარგად დავიწყეთ თამაში, შევქმენით კარგი ანგარიში, მაგრამ შესვენებამდე გოლი გავუშვით. მთელი ძალისხმევით ვცდილობდით, გამოვიმუშავეთ პენალტი, მაგრამ ვერ გავიტანეთ. ზოგჯერ ბურთი უბრალოდ კარში არ მიდის. ფეხბურთში ყოველთვის ძლიერები ვერ იმარჯვებენ." - განაცხადა ბუსკეტსმა.
ამ სიახლეზე კომენტარები გათიშულია.
კომენტარები [ 7 ]