სესკ ფაბრეგასი: ძალიან ვწუხვარ
"ჩელსის" ნახევარმცველი სესკ ფაბრეგასი ჩემპიონთა ლიგის 1/8-ფინალში "ბარსელონასთან" გამართულ პირველ მატჩს (1:1) აჯამებს.
"ძალიან ვწუხვარ, ნამდვილად ძალიან ვწუხვარ. ვფიქრობ, კარგად ვითამაშეთ, ყველამ ძალიან კარგად შევასრულეთ თამაშის გეგმა. ჩემი აზრით, კომპაქუტრად, დამაჯერებლად ვმოქმედებდით. ვითამაშეთ, როგორც გუნდი და შევქმენით ბევრი მომენტი.
ვილიანს ჰეთ თრიქის გაფორმება შეეძლო, მაგრამ სახლში დამწუხრებულები ვბრუნდებით, რადგან დიდებულმა თამაშმა კარგი შედეგი არ გამოიღო.
დაპირისპირების შედეგი ჯერ არ გადაწყვეტილა. ჩვენ კონკურენტუნარიანობა გამოვავლინეთ. "კამპ ნოუზეც" შესანიშნავი თამაში უნდა ვაჩვენოთ, რათა შემდეგ ეტაპზე გავიდეთ.
ისეთი გუნდის წინააღმდეგ, რომელიც ბურთს დროის 70 პროცენტი ფლობს, ძლიერი პიროვნული თვისებებია საჭირო. "კამპ ნოუზე" უნდა შევუტიოთ და გავიტანოთ, რადგან 90 წუთი დაცვაში დგომა სუიციდის მისიაა. ჩვენი ფეხბურთი უნდა ვითამაშოთ", - ფაბრეგასის ამ სიტყვებს BBC ციტირებს.
ამ სიახლეზე კომენტარები გათიშულია.
კომენტარები [ 11 ]