"ჩელსი"-"ბარსელონას" ჯიუნეით ჩაქირი განსჯის
დღეს გავრცელებული ინფორმაციის თანახმად, 20 თებერვალს "ჩელსისა" და "ბარსელონას" შორის გასამართ დაპირისპირებას თურქი არბიტრი ჯიუნეით ჩაქირი განსჯის.
41 წლის სპეციალისტს "ბარსელონას" მონაწილეობით გამართულ შეხვედრაში 6-ჯერ უმსაჯია. კატალონიელებმა პირველი 2 მატჩი ფრედ დაასრულეს, ბოლო 4 კი მოიგეს.
თურქმა არბიტრმა "ბარსელონას" სასარგებლოდ 4 თერთმეტმეტრიანი დანიშნა, ხოლო კატალონიელთა საწინააღმდეგოდ - 2.
ჩაქირმა თითოჯერ გააგდო როგორც "ბარსელონას", ასევე მეტოქის ფეხბურთელი.
თურქ მსაჯს "ჩელსის" მატჩში მონაწილეობა 7-ჯერ მიუღია. ლონდონელთა ანგარიშზე 3 მოგება, 2 ფრე და 2 წაგებაა. ჩაქირმა "ჩელსის" სასარგებლოდ 1 პენალტი დანიშნა, ხოლო საწინააღმდეგოდ - 2. ლონდონელთა მატჩში ჩაქირმა 2 ფეხბურთელი გააძევა და ორივე შემთხვევაში "არისოკრატებმა" იზარალეს.
უშუალოდ "ბარსელონასა" და "ჩელსის" მატჩში ჯიუნეით ჩაქირი მსაჯი ერთხელ იყო. 2012 წელს, ჩემპიონთა ლიგის 1/2-ფინალის განმეორებით მატჩში, "კამპ ნოუზე", გუნდებმა 2:2 ითამაშეს. იმ შეხვედრაში, ჩაქირმა ჯონ ტერი ალექსის სანჩესის წინააღმდეგ არასპორტული საქციელისთვის მოედნიდან გააძევა.
ამ სიახლეზე კომენტარები გათიშულია.
კომენტარები [ 9 ]