"ბარსელონას" ლოგო "ეიბარის" "ბლაუგრანა" ფორმაზე
როგორც წინა სიახლიდან გამცნეთ, "ეიბარმა", "ბარსელონასთან" წაგების შემდეგ, კატალონიური კლუბი მეგობრად მოიხსენია და მას სეზონის დარჩენილ ნაწილში წარმატებები უსურვა. ბასკურმა კლუბმა, Twitter-ის პოსტს დაურთო სურათი, სადაც ჩანს, რომ "ეიბარის" ფორმის შიდა ნაწილზე "ბარსელონას" ლოგოა გამოსახული.
სურათზე გამოსახული ფორმა ძველია და არა მიმდინარე სეზონის, მაგრამ მაინც - რატომაა "ეიბარის" ფორმაზე "ბარსელონას" ლოგო გამოსახული?
ამის მიზეზი ბასკური კლუბის ისტორიის პირველ წლებს უკავშირდება. "ეიბარი" 1940 წელს დაარსდა და პირველ წლებში, ასევე ბასკური "ბილბაოს" მიბაძვით, თეთრ და წითელ ფერებში გაწყობილი ფორმებით თამაშობდა.
3 წლის შემდეგ, 1943/44 წლების სეზონში, "ეიბარს" ახალი ფორმები ჰქონდა - ადგილობრივმა ფედერაციამ გუნდს საფეხბურთო კლუბ "ბარსელონას" ფორმები გადასცა. მას შემდეგ, ბასკებს ფერები არ შეუცვლიათ და დღემდე "ბლაუგრანა" ფორმით თამაშობენ.
ამ სიახლეზე კომენტარები გათიშულია.
კომენტარები [ 4 ]