FIFA-ს ნეიმარის საჩივარზე უარი არ უთქვამს

კატალონიური Sport-ის ცნობით, ბოლო საათებში გავრცელებული ინფორმაცია, თითქოს FIFA-მ ნეიმარის მიერ "ბარსელონას" წინააღმდეგ შეტანილი საჩივარი არ დააკმაყოფილა, სიმართლეს არ შეესაბამება.

სამშაბათს გავრცელდა ინფორმაცია, თითქოს მსოფლიო ფეხბურთის მმართველმა ორგანომ ნეიმარის საჩივარი არ დააკმაყოფილა. ბრაზილიელი "ბარსელონას" იმ 26 მილიონ ევროს სთხოვს, რომელიც მას კონტრაქტის გაფორმების სანაცვლოდ ეკუთვნოდა, მაგრამ კატალონიური მხარე მიიჩნევს, რომ რადგან ფეხბურთელმა ხელშეკრულება დაარღვია, მას ხსენებული თანხა არ ეკუთვნის.

ცოტა ხნის წინ, ნეიმარის წარმომადგენელმა გავრცელებული ინფორმაცია უარყო, FIFA-ს პრესცენტრში კი Sport-ს ასე უპასუხეს: "გთხოვთ, გაითვალისწინოთ, რომ ეს საკითხი გადაწყვეტილი ჯერ კიდევ არაა. ამ თემაზე მეტ კომენტარს არ ვაკეთებთ."