ედენ აზარი: ნეიმარის წასვლამ „ბარსა“ დაასუსტა? კატალონიაში უცხოპლანეტელი თამაშობს
ლონდონის "ჩელსის" ბელგიელმა ნახევარმცველმა, ედენ აზარმა MARCA-ს ჟურნალისტების მიერ "ბარსელონასთან" დაკავშირებით დასმულ შეკითხვებს უპასუხა.
- იცით ვინ არის ტომ ჰენინგი?
- არა.
- ეს ნორვეგიელი არბიტრია, რომელმაც 2009 წელს გამართულ "ჩელსი"-"ბარსელონას" მატჩში რამდენიმე შეცდომა დაუშვა.
- დიახ, რა თქმა უნდა. მახსოვს ეს მატჩი, განსაკუთრებით კი დიდიე დროგბას რეაქცია. თუმცა, ფეხბურთი ასეთია და მე მსგავსი სიტუაციები არ მაშინებს. ბუნებრივია, მოვლენათა ასეთი განვითარების შემთხვევაში "ჩელსი" დაზიანდება, მაგრამ არბიტრთა სამუშაოს არასდროს ვაფასებ. საკუთარ თამაშზე ვართ კონცენტრირებულნი და "ბარსელონას" დამარცხების იმედი გვაქვს.
- ბევრი ფიქრობს, რომ ნეიმარის წასვლამ გუნდი დაასუსტა. იზიარებთ ამ მოსაზრებას?
- არა, რადგან "ბარსელონაში" უცხოპლანეტელი ასპარეზობს. ზოგადად, მთელი გუნდი დიდ კლასს ფლობს.
"ბარსელონა" და "ჩელსი" ერთმანეთს უეფას ჩემპიონთა ლიგის მერვედფინალში დაუპირისპირდებიან.
ამ სიახლეზე კომენტარები გათიშულია.
კომენტარები [ 5 ]