"ანოეტა" - უფრო რთული, ვიდრე "სანტიაგო ბერნაბეუ"
ესპანეთის ჩემპიონატის მე-19 ტურში "ბარსელონას" ძალიან რთული თამაში ელის. კატალონიური კლუბის გულშემატკივრებს შეხსენება არ სჭირდებათ, თუ რამდენად უჭირს მათ საყვარელ გუნდს "ანოეტაზე" თამაში. "ბარსას" არაერთი გულშემატკივარი "სოსიედადთან" ლა ლიგაში სტუმრად მოგებას არც კი მოსწრებია.
ბოლო შემთხვევა, როდესაც "ბარსელონამ" "ანოეტაზე" ესპანეთის ჩემპიონატის ეგიდით გამართულ მატჩში იმარჯვა, 2007 წლის 5 მაისს დაფიქსირდა. მაშინ, ანდრეს ინიესტასა და სამუელ ეტო'ოს გოლებით, კატალონიელებმა 2:0 მოიგეს.
მას შემდეგ ჩატარებული 7 დაპირისპირებიდან 2 ფრედ დასრულდა, ხუთში კი "ბარსელონა" დამარცხდა.
2011 წლის 30 აპრილს, "ბარსელონა" ტიაგო ალკანტარას გოლით იგებდა, მაგრამ ბოლო 20 წუთზე იფრანისა და ჩაბი პრიეტოს ზუსტი დარტყმების გამო დამარცხდა.
იმავე წლის 10 დეკემბერს, მე-9 და მე-10 წუთებზე ჩავისა და ფაბრეგასის გოლებით "ბარსელონამ" ძალიან დიდი უპირატესობა მოიპოვა, მაგრამ ბოლო ნახევარ საათში თავადაც 2 ბურთ გაუშვა და ქულას დასჯერდა.
2013 წლის 19 იანვარს, 24-ე წუთზე, მესისა და პედროს ზუსტი დარტყმებით, "ბარსელონა" წინ კვლავ 2:0 იგო, მაგრამ კატალონიელებმა, ამჯერად, ქულაც კი ვერ აიღეს 2:3.
2014 წლის 22 თებერვალს, "ბარსამ" კვლავ 3 ბურთი გაუშვა, თავად კი მხოლოდ ერთი გაიტანა (მესი).
2015 წლის 4 იანვარს, "ბარსამ" ჟორდი ალბას მიერ მე-2 წუთზე გატანილი ავტოგოლით წააგო.
2016 წლის 9 აპრილს, "სოსიედადმა" კვლავ 1:0 მოიგო და ისევ სწრაფი გოლით - მე-4 წუთზე თავი ოიარსაბალმა გამოიჩინა.
ჯერჯერობით ბოლო შეხვედრა 1:1 დასრულდა. 2016 წლის 27 ნოემბერს, 52-ე წუთზე მასპინძლები ვილიამ ჟოზემ დააწინაურა, 7 წუთში კი მესიმ გაათანაბრა.
შედარებისთვის: ბოლო 10 წლის განმავლობაში, "ბარსელონამ" "ანოეტაზე" ჩატარებული ლა ლიგის 7 თამაშიდან 2 ფრედ დაასრულა და 5 წააგო, ხოლო ამავე პერიოდში "სანტიაგო ბერნაბეუზე" ჩატარებული 10 მატჩიდან 7 მოიგო, 1 ფრედ დაასრულა და 2 წააგო.
ამ სიახლეზე კომენტარები გათიშულია.
კომენტარები [ 13 ]