დენის სუარესი იანვარში წასვლას არ გეგმავს
კატალონიური Sport-ის მიერ გავრცელებული ინფორმაციის თანახმად, "ბარსელონას" ნახევარმცველი დენის სუარესი იანვარში კლუბის დატოვებას არ აპირებს.
როგორც იცით, დენის სუარესი "ბარსელონას" "სევილიასა" და "ვილიარეალში" გატარებული წარმატებული სეზონების შემდეგ დაუბრუნდა. მას, დიდი ძალისხმევის გაღების შემდეგ, სურს ისარგებლოს არსებული შესაძლებლობებით და ერნესტო ვალვერდეს ნდობის მოსაპოვებლად იბრძოლოს.
დენისის კატალონიურ გრანდში თამაშის გაგრძელების სურვილი ცხადყოფს იმ ფაქტს, რომ მისი ტრანსფერი იანვარში არ განხორციელდება. სუარესით რამდენიმე კლუბი ინტერესდება, რომელთა შორის ყველაზე დიდ ინტერესს "ნაპოლი" გამოხატავს. თუმცა, როგორც უკვე აღვნიშნეთ, 24 წლის ესპანელი ფეხბურთელი სხვა კლუბში გადასვლას არ გეგმავს.
აღსანიშნავია ისიც, რომ ფილიპე კოუტინიოს ტრანსფერს დენისის გეგმებზე გავლენა არ მოუხდენია. რასაკვირველია, კონკურენცია გაიზრდება, თუმცა სუარესი დარწმუნებულია, რომ თავის გამოჩენის შანსები ექნება. სავარაუდოდ, ესპანეთის თასის 1/8-ფინალში, "სელტასთან" განმეორებით შეხვედრაში, მას კვალვ სასტარტო შემადგენლობაში ვიხილავთ.
დენის სუარესის გადაწყვეტილება ურყევია. მისი გაყიდვა არც კლუბის სამომავლო გეგმებში შედის.
ამ სიახლეზე კომენტარები გათიშულია.
კომენტარები [ 58 ]