კოუტინიოს მიმართვა "ლივერპულის" გულშემატკივრებს
"ბარსელონას" ბრაზილიელმა ახალწვეულმა, ფილიპე კოუტინიომ, თავისი ყოფილი კლუბის, "ლივერპულის" გულშემატკივრებს Instagram-ის საშუალებით მიმართა.
"ლივერპულში ჩასვლის პირველივე დღიდან, მე და ჩემს ოჯახს თბილად გვექცეოდნენ და იქ ბევრი მეგობარი შევიძინეთ.
კლუბისა და გულშემატკივრების სილამაზეს როგორც მოედანზე, ასევე მის მიღმა ვგრძნობდი. იმედი მაქვს, "ლივერპულის" გულშემატკივრებს ბედნიერი მოგონებები დავუტოვე.
როდესაც "ლივერპულში" გადავდიოდი, ამ კლუბის სიდიადის შესახებ ვიცოდი, მაგრამ ის, რაც იქ გადამხდა, ამ ადგილის უნიკალური სული და გული იყო. ამ ადგილს თავისი პიროვნულობა და ხასიათი აქვს.
"ლივერპული" დავტოვე, რადგან "ბარსელონა" ჩემი ოცნებაა. ოცნება იყო "ლივერპულიც", რომელსაც ჩემი ცხოვრების 5 წელი მივუძღვენი.
ფეხბურთელის კარიერა დიდხანს არ გრძელდება და მინდოდა, "ბარსელონაში" თამაშისგანაც მიმეღო სიამოვნება, როგორც "ლივერპულში" თამაშისგან ვღებულობდი.
იმედი მაქვს, "ლივერპულის" გულშემატკივრები გაიგებენ, რომ ახალი გამოცდილების მიღების სურვილი ჩემს თვალში მათ მნიშვნელობასა და "ლივერპულის" მნიშვნელობას არ ამცირებს. ამ კვალს ჩემი გულიდან ვერაფერი წაშლის.
იურგენ კლოპსა და მის გუნდს, მიმდინარე სეზონში და შემდეგაც, სიამოვნების მიღებასა და წარმატებებს ვუსურვებ. ეს შესანიშნავი გუნდია, რომელიც უფრო და უფრო ძლიერდება."
ამ სიახლეზე კომენტარები გათიშულია.
კომენტარები [ 5 ]