ჩავი: მესის ფეხბურთი ხარისხიანიცაა და სანახაობრივიც
"ბარსელონას" ლეგენდარული ნახევარმცველი ჩავი ერნანდესი მიიჩნევს, რომ მთავარი ხარისხიანი ფეხბურთია და არა სანახაობრივი, ხოლო ლიონელ მესის ორივე ერთად გამოსდის.
"ახალგაზრდა და ნიჭიერმა ფეხბურთელებმა უნდა იცოდნენ, რას ამბობდა ლუის არაგონესი. ის ითხოვდა, გვეთამაშა ხარისხიანი და არა სანახაობრივი ფეხბურთი. მე არ მესმოდა და ვეკითხებოდი, თუ რას ნიშნავდ ეს. ის მპასუხობდა: "კი ბატონო, ითამაშეთ სანახაობრივი ფეხბურთი, მაგრამ იმისთვის, რომ 4 მეტოქე მოატყუოთ."
სახელებს არ დავასახელებ, მაგრამ ესპანეთში ბევრმა ფეხბურთელმა კარგად დაიწყო, მაგრამ შემდეგ ისინი უკვალოდ გაქრნენ. არსებობს ფილიგრანული ფინტები, მაგრამ რა საჭიროა ისინი? მესი მსგავს რამეს აკეთებს? ის ასეთ ფინტებს არასდროს აკეთებს, მაგრამ მას მაინც ყველაფერი სწორად გამოსდის. მესის ფეხბურთი იმდენად ხარისხიანია, რომ ის სანახაობრივიცაა." - განაცხადა ჩავიმ El Pais-ისთვის მიცემულ ინტერვიუში.
ამ სიახლეზე კომენტარები გათიშულია.
კომენტარები [ 4 ]