ვალვერდემ მასკერანოს შესაძლო წასვლაზე კომენტარი გააკეთა

"ბარსელონას" მთავარმა მწვრთნელმა, ერნესტო ვალვერდემ, არგენტინელი ცენტრალური მცველის, ხავიერ მასკერანოს კატალონიური კლუბიდან შესაძლო წასვლასთან დაკავშირებით კომენტარი გააკეთა.

"მასკერანო "ბარსელონას" ფეხბურთელია და ჩვენ მასზე იმედებს ვამყარებთ. გვინდა, რომ ის რაც შეიძლება სწრაფად გამოჯანმრთელდეს. მისი გვჯერა." - ციტირებს ვალვერდეს სიტყვებს Times of India.

ცოტა ხნის წინ, მასკერანომ განაცხადა, რომ "ბარსელონაში" მისი დრო დასასრულს მიუახლოვდა. ივარაუდება, რომ 33 წლის ფეხბურთელი გუნდს სეზონის ბოლოს დატოვებს.