ერნესტო ვალვერდე "სელტასთან" მატჩის წინ
წინასამატჩო პრეს-კონფერენციაზე "ბარსელონას" მთავარმა მწვრთნელმა, ერნესტო ვალვერდემ მომავალი მეტოქის, ვიგოს "სელტას" გარდა თავისი გუნდის რამდენიმე ფეხბურთელზეც ისაუბრა.
ჟერარ დეულოფეუ
"ის ფაქტი, რომ დეულოფეუ შემადგენლობაში ხშირად ვერ ხვდება, იმით არის გამოწვეული, რომ ჩვენს გუნდში ბევრი ფეხბურთელია და ყველა მათგანისთვის საკმარისი დროის მიცემა ვერ ხერხდება. ის შეტევაში ძალიან კრეატიულია და ხშირად ცდილობს, რომ თამაშში ცვლილება შეიტანოს."
უსმან დემბელე
"დემბელეს პროგრესი კარგად მიმდინარეობს. ვფიქრობთ, მას დაბრუნება მალე შეეძლება, მაგრამ, ამასთან გარისკვა რთულია ტრავმის სერიოზულობის და იმ დროის გამო, რომელიც მან მოედანს მიღმა გაატარა. დიდი ალბათობით, ის ძირითად გუნდთან ვარჯიშისთვის მზად საახალწლოდ იქნება, მაგრამ სიტუაციას მანამდეც დავაკვირდებით."
რაფინია ალკანტარა
"ახლა რაფინია თავს უკეთ გრძნობს და სურს, რაც შეიძლება მალე დაუბრუნდეს ვარჯიშს. თუმცა, მასთან მიმართებაში სიფრთხილე გვმართებს."
მესის და ალბას დუეტი
"ეს ფეხბურთელები ერთმანეთს შესანიშნავად უგებენ. ალბას საოცარი სისწრაფე და ძალა აქვს და დაცვასთან გამკლავებას მშვენივრად ახერხებს, მესის კი საოცარი მოედნის ხედვა, რისი დახმარებითაც მას ყველაფრის გაკეთება შეუძლია. ეს წყვილი ჩვენი ერთ-ერთი მთავარი ძალაა."
ამ სიახლეზე კომენტარები გათიშულია.
კომენტარები [ 5 ]