მესი მსოფლიოს ყველაზე მაღალანაზღაურებადი მოთამაშე გახდა

"ბარსელონას" თავდამსხმელი, ლიონელ მესი, რომელმაც გასულ კვირაში კლუბთან კონტრაქტი გაახანგრძლივა, მსოფლიოს ყველაზე მაღალანაზღაურებადი ფეხბურთელი გახდა, იტყობინება Marca.

გარიგების პირობებით, 30 წლის მოთამაშის წლიური ხელფასი 30 მილიონ ევროს შეადგენს, ხოლო ბონუსების ჩათვლით - 43 მილიონ ევროს. ასევე არგენტინელი ხელშეკრულების გაფორმებისთვის, ბონუსის სახით, 50 მილიონ ევროს მიიღებს.

ადრე მსოფლიოს ყველაზე მაღალანაზღაურებადი მოთამაშე კარლოს ტევესი გახლდათ, რომელიც "შანხაი შენხუაში", წელიწადში, 38 მილიონ ევროს გამოიმუშავებს.

შემდეგ მოდიან ნეიმარი (პსჟ, 36 მლნ), კრიშტიანუ რონალდუ (21 მლნ, ბონუსების ჩათვლით 34 მლნ) და ოსკარი ("შანხაი ტელეისი", 24 მლნ).