პიკეს დისკვალიფიკაცია ძალაში რჩება

ლა ლიგის მე-12 ტურში, "ლეგანესის" წინააღმდეგ ჟერარ პიკემ რიგით მე-5 ყვითელი ბარათი მიიღო, რაც იმას ნიშნავს, რომ ის შემდეგ მატჩს, "ვალენსიას" წინააღმდეგ, ტოვებს. 

თავად ფეხბურთელი და საერთოდ კლუბი მსაჯის გადაწყვეტილებას პიკეს გაფრთხილებასთან დაკავშირებით არასამართლიანად მიიჩნევდა და ეს ფაქტი ესპანეთის ფეხბურთის ფედერაციაში გაასაჩივრა. ფედერაციამ კი ეს საჩივარი არ დააკმაყოფილა და დისკვალიფიკაცია ძალაში დარჩა. 

შესაბამისად, "ბარსელონას" ყველაზე გამოცდილი მცველი "მესტალიაზე" არ ითამაშებს.