რობერტ ფერნანდესი: მსოფლიოში საუკეთესო გუნდი გვყავს
"ბარსელონას" სპორტულმა დირექტორმა, რობერტ ფერნანდესმა, შაბათს გამართულ ასამბლეაზე კატალონიურ გუნდზე ისაუბრა და მას მსოფლიოში საუკეთესო უწოდა.
"მსოფლიოში საუკეთესო გუნდი გვყავს. ასე რომ არ ვფიქრობდე, არც ვიტყოდი. რატომაა ჩვენი გუნდი მსოფლიოში საუკეთესო? იმიტომ, რომ მას წლიდან წლამდე მოგება შეუძლია. იმიტომ, რომ ის შესანიშნავი ადამიანებისგან შედგება, იმ ადამიანებისგან, რომლებიც აქ, "მინი ესტადიზე" გაიზარდნენ." - აცხადებს ფერნანდესი, რომელიც პაულინიოზეც საუბრობს - "გამიხარდებოდა, პაულინიო უფრო ახალგაზრდა რომ იყოს. მის შესახებ აზრი ბევრმა ადამიანმა შეიცვალა. გვინდა, მან არაერთ პოზიციაზე ითამაშოს, რადგან თუ მხოლოდ ერთ პოზიციაზე თამაშობ, სასტარტო შემადგენლობაში მოხვედრა რთულდება. ამის მიზეზი გუნდის სიძლიერეა. პაულინიო ფიზიკურად შესანიშნავადაა მომზადებული და ის გამოცდილი მოთამაშეა."
ამ სიახლეზე კომენტარები გათიშულია.
კომენტარები [ 4 ]