რონალდინიომ "ბარსელონადან" წასვლის მიზეზი გაამხილა
ლეგენდარულმა ბრაზილიელმა ფეხბურთელმა, რონალდინიომ უარყო ინფორმაცია, თითქოს მან "ბარსელონა" პეპ გვარდიოლასთან ცუდი ურთიერთობის გამო დატოვა.
"უბრალოდ გადავწყვიტე, კლუბი დამეტოვებინა, რადგან ყველაფერი მოვიგე და ახალი გამოწვევა მჭირდებოდა.
გვარდიოლასთან შესანიშნავი ურთიერთობა მქონდა.
ტყუილია, რომ ფეხბურთის თამაშისგან სიამოვნებას ვეღარ ვიღებდი. მოგება "ბარსელონადან" წასვლის შემდეგაც განვაგრძე. ლიბერტადორესის თასი "ატლეტიკო მინეიროსთან"ერთად, 7-თვიანი წაუგებელი სერია "ფლამენგოში", მექსიკის თასი "კარეტაროსთან" ერთად... არაფერს ვნანობ." - ციტირებს რონალდინიოს სიტყვებს Marca.
რონალდინიო "ბარსელონაში" 2003-2008 წლებში თამაშობდა. კატალონიური კლუბის მაისურით მან 207 შეხვედრა ჩაატარა, 94 გოლი გაიტანა და 5 ტიტული მოიგო (2 ლა ლიგა, 2 ესპანეთის სუპერ თასი, 1 ჩემპიონთა ლიგა). "ბარსა" მან გუნდში პეპ გვარდიოლას მისვლის შემდეგ დატოვა.
ამ სიახლეზე კომენტარები გათიშულია.
კომენტარები [ 4 ]