ბარსელონა დელე ალის კოუტინიოს ალტერნატივად განიხილავს

ცნობილი გახდა, თუ რატომ დაინტერესდა "ბარსელონა" "ტოტენჰემის" ნახევარმცველით, დელე ალით.

Sport-ის ინფორმაციით, კატალონიელები 21 წლის ინგლისელ მოთამაშეს "ლივერპულის" ბრაზილიელი ნახევარმცველის, ფილიპე კოუტინიოს ალტერნატიულ ვარიანტად განიხილავენ, რომლის ყიდვასაც "ბარსა" სეზონის დასრულებისას აპირებს.

გასულ ზაფხულში კატალონიურმა კლუბმა კოუტინიოს ტრანსფერზე დაახლოებით 120 მილიონ ევროიანი შეთავაზება გააკეთა, მაგრამ მერსესაიდულმა კლუბმა 200 მილიონი მოითხოვა. ალის ტრანსფერი კი უფრო იაფად ფასდება.