ბართომეუ ლას პალმასთან მატჩის წინ ფეხბურთელებს შეხვდა
"ბარსელონას" პრეზიდენტი ჟოზეპ მარია ბართომე "ლას პალმასთან" მატჩის წინ, რომელიც გულშემატკივრების გარეშე ჩატარდა, გასახდელში ფეხბურთელებს ესტუმრა.
ბართომეუ კლუბის ვიცე-პრეზიდენტთან, ჟორდი მესტრესთან ერთად ფეხბურთელებს შეხვდა და მათ სიტუაცია აუხსნა. პრეზიდენტმა მოთამაშეებს უთხრა, რომ არც ლა ლიგა, არც ადგილობრივი პოლიცია, მიუხედავად არეულობისა, თამაშის გადადებას არ ეთანხმება, კლუბს კი, მატჩზე უარის თქმის შემთხვევაში, 6 ქულის დაკარგვა ემუქრება.
"თუ ლიგა 6 ქულას წაგვართმევს, არავინ გაიხსენებს მატჩის გადადებას. გაიხსენებენ მხოლოდ იმას, რომ ჩემპიონატი წავაგეთ", - მიმართა ბართომეუმ ფეხბურთელებს.
"ბარსელონას" კაპიტანი ანდრეს ინიესტა იმ ფეხბურთელებთა რიცხვს მიეკუთვნებოდა, რომლებიც მოედანზე გასასვლელად მზად იყვნენ, მაგრამ მან პრეზიდენტს უთხრა: "არ გავაკეთებთ ამას ისე, თითქოს ასეთი გადაწყვეტილება ჩვენ მივიღეთ. ეს კლუბის საქმეა".
რამდენიმე ფეხბურთელი კვირას მატჩის ჩატარების წინააღმდეგი იყო. მათ შორის იყვნენ სერჟი რობერტო და ჟერარ პიკე, თუმცა მოთამაშეების უმრავლესობა სათამაშოდ მზად იყო. რაც შეეხება ლიონელ მესის, მას თავისი აზრი არ გამოუხატავს.
ამ სიახლეზე კომენტარები გათიშულია.
კომენტარები [ 5 ]