სუარესს მხოლოდ "მალაგა" დარჩა
კატალონიური "ჟირონა" ესპანეთის ჩემპიონატში მოთამაშე 24-ე გუნდია, რომელსაც "ბარსელონას" თავდამსხმელმა, ლუის სუარესმა გოლი გაუტანა. ურუგვაელ შემტევს მხოლოდ ერთი გუნდის კარი არ აქვს აღებული.
გუშინ, ლა ლიგის მე-6 ტურში, "ბარსელონამ" "ჟირონა" სტუმრად 3:0 გაანადგურა. 2 ავტოგოლის შემდეგ, მასპინძელთა კარში ლუის სუარესმა გაიტანა.
სუარესს, ლა ლიგაში, სულ 25 გუნდის წინააღმდეგ უთამაშია და "ჟირონა" 24-ეა, რომლის კარიც მას დაულაშქრავს. ლუისის წინააღმდეგ კარის მშრალად შენახვას, ჯერჯერობით, "მალაგა" ახერხებს. ამ გუნდს "ბარსელონა" 22 ოქტომბერს, ლა ლიგის მე-9 ტურში, "კამპ ნოუზე" დაუპირისპირდება.
პრიმერა დივიზიონში ლუის სუარესის საყვარელი მეტოქე "ხიხონია", რომელსაც ურუგვაელმა 8 გოლი გაუტანა. შემდეგ, 7-7 ბურთით, "ესპანიოლი" და "ბეტისი" მოდიან.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]