ობამეიანგი: დემბელე ბარსელონას ძალიან გამოადგება
დორტმუნდის "ბორუსიას" პიერ-ემერიკ ობამეიანგი ყოფილ თანაგუნდელზე, ამჟამად "ბარსელონას" ფეხბურთელზე, უსმან დემბელეზე საუბრობს.
დემბელე "ბარსელონაში" გასულ ზაფხულში გადავიდა. ამას წინ "ბორუსიაში" მოწყობილი გაფიცვა უძღოდა - ფეხბურთელი გუნდთან ერთად ვარჯიშზე უარს ამბობდა და "ბარსელონაში" გაშვებას ითხოვდა.
"დემბელემ გაფიცვის მოწყობა იჩქარა, მაგრამ ის ჩემი მეგობარია და მის კრიტიკას არ დავიწყებ. უსმანის შესანიშნავად მესმის: "ბარსელონაში" გადასვლა მისი ოცნება იყო. კატალონიურ კლუბში თამაში ადვილი არ იქნება, მაგრამ ის იმ ფეხბურთელებში შედის, რომლებსაც ადაპტაციის გავლა უადვილდებათ. დემბელეს "ბარსელონაში" ყველაფერი კარგად ექნება, თუმცა ჯერ არა, რადგან მას ტრავმა აქვს.
ვფიქრობ, უსმანი "ბარსელონას" ძალიან გამოადგება." - ციტირებს ობამეიანგის სიტყვებს RMC.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]