ლუკას ლიმას აგენტი: ბარსელონა ლიმას შეძენაზე სერიოზულად ფიქრობს
ის ფაქტი, რომ "ბარსელონა" "სანტოსის" ბრაზილიელი ნახევარმცველის, ლუკას ლიმას შეძენითაა დაინტერესებული, ახალი ამბავი არაა. ამ ზაფხულში ისიც კი იწერებოდა, რომ ლიმამ კატალონიურ გრანდთან ხუთწლიანი კონტრაქტი გააფორმა და ის გუნდს იანვარში შეუერთდებოდა, მაგრამ ეს ინფორმაცია არ დადასტურებულა.
მიუხედავად ამისა, ბრაზილიელის აგენტის, ლუკას ბადიას აზრით, შესაძლო ტრანსფერის ალბათობა გაიზარდა, რადგან ლიმას კონტრაქტს ვადა 31 დეკემბერს ეწურება და ის სხვადასხვა კლუბებიდან უკვე იღებს შეთავაზებებს, ასე რომ, თუ "ბარსელონას" ნამდვილად სურს მისი შეძენა, უნდა გააქტიურდეს.
"ლიმა 31 დეკემბერს თავისუფალი აგენტი ხდება და არ ვიცი, "სანტოსი" მის შესანარჩუნებლად რას მოიმოქმედებს. რამდენიმე შემოთავაზება უკვე მივიღეთ: "კრისტალ პალასი" 15 მილიონ ევროს იხდიდა, "ფენერბაჰჩე" კი 20 მილიონს, მაგრამ გარკვეული მიზეზების გამო ჩვენ უარი ვთქვით. ლუკასის შეძენით "ბარსელონა", მილანის "ინტერი", "რომა" და "მანჩესტერ იუნაიტედიც" სერიოზულადაა დაინტერესებული." - განაცხადა აგენტმა.
ამ სიახლეზე კომენტარები გათიშულია.
კომენტარები [ 10 ]