ხავიერ ტებასი: ლა ლიგა ყველა ქომაგის ინტერესს იცავს
ლა ლიგის პრეზიდენტმა, ხავიერ ტებასმა ისაუბრა იმის შესახებ, თუ რატომ იწყება ესპანეთის ჩემპიონატის შეხვედრები ადრე. როგორც იცით, მე-17 ტურის მატჩი "რეალსა" და "ბარსელონას" შორის 23 დეკემბერს, 16:00 საათზე (თბილისის დროით) გაიმართება.
"ესპანეთის ჩემპიონატს უამრავი მაყურებელი ჰყავს. სინგაპურსა და ავსტრალიაში ეს კარგი დროა ფეხბურთის საყურებლად. მე ყურადღებას ვიჩენ იმ ქომაგების მიმართაც, რომლებიც სტადიონზე მისვლას ვერ ახერხებენ და მატჩს თვალყურს ტელევიზორებით ადევნებენ.
ის, ვინც სტადიონზე არ მოდის, მაუწყებლობისთვის ფულს იხდის. გულშემატკივრებს შორის ბალანსი უნდა იყოს დაცული და ჩვენ სწორედ ამაზე ვმუშაობთ. საერთაშორისო არენაზე 30%-ით მეტი მაყურებელი გვყავს, ბოლო 3 წლის განმავლობაში კი სწრებადობა თითქმის ორი მილიონით გაიზარდა. თითოეული ქომაგი პატივისცემას იმსახურებს."-ამბობს ტებასი Onda Cero-სთან ინტერვიუში.
ამ სიახლეზე კომენტარები გათიშულია.
კომენტარები [ 6 ]