აგუსტი ბენედიტო ბართომეუს გადადგომას არ გამორიცხავს
"ბარსელონას" პრეზიდენტობის ყოფილი კანდიდატი აგუსტი ბენედიტო არ გამორიცხავს, რომ კატალონიელთა მოქმედმა პრეზიდენტმა, ჟოზეპ მარია ბართომეუმ, თანამდებობა უახლოეს მომავალში დატოვოს.
ცნობილია, რომ ბენედიტო ბართომეუს უნდობლობის საკითხის აღძვრას აპირებს და მისი აზრით, შესაძლოა, პრეზიდენტმა თანამდებობა ამ პროცედურის დაწყებამდე დატოვოს.
"კლუბის პრობლემა ისაა, რომ ბართომეუს არავინ აკონტროლებს. მიმდინარე ზაფხულის დაგეგმასთან დაკავშირებით სრული ქაოსია. ნეიმარის წასვლისა და გუნდის გაძლიერების არაერთი წარუმატებელი მცდელობის გამო, უკმაყოფილება უკვე ბევრმა გამოთქვა. დიახ, გარკვეული ფაქტორები კლუბზე ნეგატიურად მოქმედებს, მაგრამ ისიც აშკარაა, რომ "ბარსელონას" პოლიტიკა არასწორი მიმართულებით მიდის.
ვხედავ, რომ კლუბის ხელმძღვანელობა ნერვიულობს. ვფიქრობ, მათ იციან, რომ უნდობლობის საკითხის აღძვრა გარდაუვალია. არ გამოვრიცხავ, რომ ხელმძღვანელობა ხმის მიცემის პროცედურის დაწყებამდე გადადგეს." - ციტირებს ბენედიტოს სიტყვებს Efe.
გავრცელებული ინფორმაციით, კლუბის წევრების ბართომეუს წინააღმდეგ ხმის მიცემის საშუალება 8 სექტემბრიდან ექნებათ.
ამ სიახლეზე კომენტარები გათიშულია.
კომენტარები [ 7 ]