Barcamania-ს განცხადება ფილიპ კოუტინიოსა და უსმან დემბელესთან დაკავშირებით
ფილიპე კოუტინიოსა და უსმან დემბელეს შესაძლო ტრანსფერებთან დაკავშირებით ბოლო დღეებში არაერთი ურთიერთგამომრიცხავი ინფორმაციის გავრცელების გამო, Barcamania.ge-ს ადმინისტრაციამ გადაწყვიტა, ამ ფეხბურთელებთან დაკავშირებით გავრცელებულ სატრანსფერო ჭორებზე ერთგვარი "მორატორიუმი" გამოაცხადოს.
ეს ნიშნავს იმას, რომ სანამ ტრანსფერების საკითხი საბოლოოდ არ გადაწყდება, დემბელესა და კოუტინიოს ტრანსფერებთან დაკავშირებით, ჩვენ საიტზე გავრცელდება მხოლოდ ოფიციალური ინფორმაცია, სხვადასხვა საფეხბურთო მოღვაწეების კომენტარები, ან ის ინფორმაცია, რომელიც ნდობის მაღალი ხარისხით გამოირჩევა. ვინდაინ ჩვენთან აღარ დაიდება ყველანაირი ჭორი, მომხმარებლებს ექნებათ იმის განცდა, რომ რასაც Barcamania.ge-ზე წაიკითხავენ, ან ოფიციალური ინფორმაციაა, ან მასთან მაქსიმალურად მიახლოებული.
ახლა კი, გაგაცნობთ უსმან დემბელესა და ფილიპე კოუტინიოს ტრანსფერებთან დაკავშირებით ამჟამად არსებულ მდგომარეობას:
უსმან დემბელე
"დორტმუნდი" ადასტურებს, რომ დემბელეზე წინადადება მიიღო, მაგრამ შეთავაზება ფეხბურთელის საბაზრო ფასთან შეუსაბამობაში მოდის და ამ დროისთვის, ტრანსფერი მოსალოდნელი არაა. გერმანული გუნდი ასევე ადსატურებს, რომ დემბელე, კლუბისთვის უცნობი მიზეზით, გუნდთან ერთად არ ვარჯიშობს, რის გამოც ის დაისჯება.
"ბარსელონას" წარმომადგენლები კატალონიელ ჟურნალისტებთან საუბრისას აცხადებენ რომ ბოლო საათებში ძალიან ინტენსიური მოლაპარაკებები მიმდინარეობს, მაგრამ შეთანხმება ახლოს მაინც არაა.
კატალონიელები ალტერნატიულ ვარიანტებზე ფიქრს იწყებენ.
ფილიპე კოუტინიო
"ლივერპული" მოლაპარაკებებზეც კი უარს აცხადებს. იურგენ კლოპის თქმით, არ არსებობს თანხა, რომლის სანაცვლოდაც ინგლისური კლუბი ბრაზილიელს შეელევა. "ბარსელონა" არ ნებდება, მაგრამ შეთანხმების მიღწევამდე ჯერ კიდევ ბევრია დარჩენილი.
ამ სიახლეზე კომენტარები გათიშულია.
კომენტარები [ 74 ]