მარლონი: "ნეიმარი "ბარსელონაში" დარჩება"
"ბარსელონას" ბრაზილიელი მცველი, მარლონ სანტოსი დარწმუნებულია, რომ ნეიმარი გუნდში დარჩება. მარლონი ნეიმარის ახლო წრის ერთ-ერთი ნაწილია, რამეთუ იგი ბრაზილიელი შემტევის მცირე რაოდენობის თანამემამულეთაგან ერთ-ერთია, თუმცა ამ ორ ფეხბურთელს ჯერ-ჯერობით თავდამსხმელის მომავალზე არ უსაუბრიათ.
მარლონი გუშინდელი მატჩით კმაყოფილი იყო და შეხვედრის დასრულების შემდეგ განაცხადა: "ჩვენ კარგი მატჩი ჩავატარეთ, თუმცა მნიშვნელოვანია ასევე გავაგრძელოთ, თამაშის ხარისხი გავაუმჯობესოთ და გუნდის შესაძლებლობების მაქსიმუმს მივაღწიოთ."
როგორც ნეიმარის თანამემამულე, მარლონი დარწმუნებულია, რომ თავდამსხმელი "ბარსელონაში" დარჩება. "ჩემთვის, ნეიმარი მსოფლიოს ერთ-ერთი საუკეთესო მოთამაშეა და ვიმედოვნებ, ის ჩვენთან დარჩება."
"ნეიმარს დარჩენაში დარწმუნება არ სჭირდება, ის ისედაც ჩვენთან ერთადაა და აქ დარჩება." - განაცხადა მარლონმა, რომელმაც ასევე ნათელი გახადა, რომ ის ნეიმარის მოლაპარაკებებში არ მონაწილეობს.
ამ სიახლეზე კომენტარები გათიშულია.
კომენტარები [ 11 ]