"ბარსა ბ"-მ დაწინაურება თითქმის გაინაღდა
სასწაული უნდა მოხდეს, "ბარსელონა ბ"-მ, მომდევნო სეზონში, ესპანეთის მე-2 დივიზიონში რომ არ ითამაშოს. ხერარდ ლოპესის გუნდმა ზედა ლიგაში გადასვლისკენ ძალიან დიდი ნაბიჯი გადადგეს.
"ბარსელონამ", რეგულარულ სეზონში პირველი ადგილი დაიკავა, თუმცა ფლეი ოფის პირველ ეტაპზე კატალონიელები "კულტურალ ლეონესასთან" უშანსოდ დამარცხდნენ, რამაც მათ მე-2 დივიზიონისკენ მიმავალი გზა გაურთულა. შემდეგ იყო "კარტახენასთან" გაჭირვებით გამარჯვება - სტუმრად 2:1 მოგება და შინ 0:1 წაგება.
დღეს, ფინალური ეტაპის პირველ მატაჩში, "ბარსა ბ" ერთ დროს ლა ლიგაში მოთამაშე სანტანდერის "რასინგს" ეწვია. მე-14 წუთზე, ანგარიში მასპინძლებმა გახსნეს, მაგრამ ტაიმის მიწურულს, მარკ კარდონამ დუბლი გაიფორმა და წინ სტუმრები გაიყვანა. მე-2 ნახევრის დასაწყისში, "რასინგი" მოედანზე 10 კაცით დარჩა, ხოლო 66-ე და 81-ე წუთებზე, დუბლი დანი რომერამაც გაიფორმა და ახალგაზრდა "ბარსელონელებმა" 4:1 მოიგეს.
განმეორებითი შეხვედრა 25 ივნისს, ბარსელონაში გაიმართება და ძნელი წარმოსადგენია, ლოპესის შეგირდებმა მოპოვებული უპირატესობა დათმონ.
ამ სიახლეზე კომენტარები გათიშულია.
კომენტარები [ 9 ]