მატუიდი და დრაქსლერი თანახმა იყვნენ 1:5 წაეგოთ
"ბარსელონასთან" ჩემპიონთა ლიგის 1/8-ფინალის განმეორებით მატჩამდე რამდენიმე დღით ადრე, "პარი სენ ჟერმენის" ფეხბურთელები, მარკო ვერატი, ბლეზ მატუიდი, იულიან დრაქსლერი და ტომას მონიე ერთ-ერთ კულინარიულ გადაცემაში იყვნენ სტუმრად. გადაცემის მიმდინარეობისას, ფეხბურთელებმა "ბარსელონასთან" გასამართ მატჩზეც ისაუბრეს.
მარკო ვერატი: "თუ ჩვენ წავაგებთ 1:5, მაგრამ შემდეგ ეტაპზე გავალთ, ბედნიერი იქნები?"
ტომას მონიე: "არა, გავბრაზდები"
იულიან დრაქსლერი: "მე კმაყოფილი ვიქნები"
ბლეზ მატუიდი: "მეც"
მარკო ვერატი: "ჩემთვის რომ ეს პირველი მატჩის წინ ეთქვათ, გამიხარდებოდა, მაგრამ ახლა ასეთი რამ რომ მოხდეს, გავბრაზდები"
ტომას მონიე: "რა თქმა უნდა, გაბრაზდები. 1:5 რომ წააგო, ყველა დაგცინებს"
მარკო ვერატი: "მაგრამ ჩვენ პირველ თამაშში 4 გოლი გავიტანეთ"
ტომას მონიე: "შესანიშნავია. შენ შემდეგ ეტაპზე გახვალ. ხალხი იტყვის, რომ პსჟ-ს ყველაფერი კარგად ჰქონდა, მაგრამ "ბარსელონასთან" 1:5 წააგო. ეს ცუდია"
ბლეზ მატუიდი: "როგორია შენი იდეალური სცენარი? სწრაფი გოლი, თუ 0:0 პირველი ტაიმის შემდეგ?"
ტომას მონიე: "მათ არჩევანი არ აქვთ - შეტევაში უნდა წავიდნენ. ამიტომ, მათზე ზეწოლა უნდა მოვახდინოთ"
იულიან დრაქსლერი: "ვფიქრობ, პირველ ტაიმში გავიტანთ"
ამ სიახლეზე კომენტარები გათიშულია.
კომენტარები [ 13 ]