ენრიკე - 123 გამარჯვება, 457 გოლი და 8 ტიტული (ინფოგრაფიკა)
არ გამოირიცხება, რომ ასტურიელი სპეციალისტი, ლუის ენრიკე ახლო მომავალში "ბარსელონას" დატოვებს. სპორტული პორტალი "Sport Express" წარმოგვიდგენს ესპანელის სტატისტიკას კატალონიური კლუბის მთავარი მწვრთნელის პოსტზე.
ლუის ენრიკემ "ბარსელონას" სათავეში 162 მატჩი ჩაატარა (123 გამარჯვება, 18 მარცხი და 21 ფრე). აქედან 78-ჯერ, კატალონიელებმა კარის მშრალად შენახვა შეძლეს.
ესპანელი სპეციალისტის ხელმძღვანელობით გუნდმა 457 გოლი გაიტანა და 124 გაუშვა. ყველაზე მეტჯერ მეტოქის კარის აღება მესიმ შეძლო (131), რომელსაც სუარესი (109) და ნეიმარი (80) მოჰყვებიან.
ყველაზე დიდი ანგარიშით, "ბარსელონამ" "დეპორტივოსა" და "კორდობას" მოუგო (8:0), ხოლო ყველაზე მძიმედ "ბლაუგრანა" "პარი სენ-ჟერმენისა" და "ატლეტიკის" წინააღმდეგ დამარცხდა (0:4).
ენრიკეს "ბარსელონამ" 8 ტიტული მოიგო: ჩემპიონთა ლიგა (2014/15), ესპანეთის ჩემპიონატი (2014/15, 2015/16), სამეფო თასი (2014/15, 2015/16), ესპანეთის სუპერთასი (2016), უეფას სუპერთასი (2015), საკლუბო მსოფლიო ჩემპიონატი (2015).
ამ სიახლეზე კომენტარები გათიშულია.
კომენტარები [ 11 ]