ფინანსური ფეირ-პლეი "ბარსელონას" მესისთან კონტრაქტის გახანგრძლივებაში ხელს უშლის
"ბარსელონას", ფინანსური ფეირ-პლეის გამო, ლიონელ მესის ახალი კონტრაქტის გახანგრძლივების საკითხზე პრობლემები აქვს, იტყობინება AS.
წყაროს ინფორმაციით, მესის ახალი კონტრაქტის გაფორმების შემდეგ კლუბს, შესაძლოა, ფინანსური ფეირ-პლეის წესების შესაბამისად პრობლემები შეექმნას. უეფას პარამეტრებით, სახელფასო პროგრამის თანაფარდობა კლუბის საერთო შემოსავალთან 65%-ს არ უნდა აღემატებოდეს. 2015 წელს, "ბარსელონას" სახელფასო პროგრამა შემოსავლებიდან 63%-ს შეადგენდა.
"ჩვენ უნდა გავხდეთ უფრო ეკონომიკურები. ამ მომენტისთვის ცოტათი გავზარდეთ ციფრი 65%-მდე. უნდა გავაფორმოთ ახალი კონტრაქტები ჩვენს ფეხბურთელებთან იმ პირობებით, რომლებიც "ბარსელონას" საშუალებას მისცემს, რომ ფინანსური სტაბილურობა შეინარჩუნოს." - განაცხადა "ბარსას" პრეზიდენტმა, ხოსეპ მარია ბართომეუმ.
ადრე ბართომეუმ განაცხადა, რომ კლუბი მესისთან მოლაპარაკებებს უახლოეს მომავალში იწყებს. ფეხბურთელს "ბარსელონასთან" მიმდინარე ხელშეკრულება 2018 წლის ივნისში ეწურება.
ამ სიახლეზე კომენტარები გათიშულია.
კომენტარები [ 9 ]