სასამართლომ გულშემატკივრებს სტადიონზე კატალონიის დროშების შეტანის უფლება მისცა
მადრიდის საქალაქო სასამართლოს ადმინისტრაციულ საქმეთა კოლეგიამ "ბარსელონას" საჩივარი დააკმაყოფილა და გულშემატკივრებს ესპანეთის თასის ფინალის დროს სტადიონზე დროშების შეტანის ნებართვა მისცა.
რამდენიმე დღის წინ, მადრიდის ხელისუფლებამ დაადგინა, რომ 22 მაისს, "ბარსელონასა" და "სევილიას" შორის "ვისენტე კალდერონზე" გასამართი მატჩის დროს, გულშემატკივრებს კატალონიის დროშების (ესტელადას) შეტანის უფლება არ ექნებოდათ. ამ გადაწყვეტილებამ კატალონიაში პროტესტი გამოიწვია. ბარსელონას მერმა, პროტესტის ნიშნად, ფინალზე დასწრებაზე უარი თქვა. იგივეს არ გამორიცხავდნენ არც საფეხბურთო კლუბ "ბარსელონას" ხელმძღვანელი პირებით. გუშინ, "ბარსელონას" იურისტებმა მადრიდის სასამართლოში სარჩელი შეიტანეს. მათი აზრით, დროშების აკრძალვა გამოხატვის თავისუფლების შეზღუდვაა. სასამართლომ ეს არგუმენტები გაიზიარა და დაადგინა, რომ გულშემატკივრებს სტადიონზე კატალონიის დროშების შეტანის უფლება უნდა ჰქონდეთ.
ამ სიახლეზე კომენტარები გათიშულია.
კომენტარები [ 12 ]