ანრი: "გვარდიოლასთვის მთავარი ფეხბურთელის პოზიცია იყო"
"ბარსელონას" ყოფილი ფრანგი თავდამსხმელი ტიერი ანრი იმ დროს იხსენებს, როდესაც ის კატალონიურ გუნდში პეპ გვარდიოლას ხელმძღვანელობით თამაშობდა.
"ხშირად ვხედავთ ხოლმე, რომ ფეხბურთელი ცენტრისკენ გადაადგილდება და ბურთს ითხოვს. ამას "ბარსელონაში" ვერ ნახავდით. ჩვენ თანაგუნდელებს ვენდობოდით, ბურთს ვაწვდიდით და პასს თავად ველოდით. მაგალითად მე, მარცხენა ფლანგზე, მარჯვენა მცველის ყურადღებას ვიქცევდი, ინიესტას კი შეეძლო ცენტრში ბურთი მიეღო.
გვარდიოლასთვის, ვარჯიშებისა და თამაშების დროს, ყველაზე მნიშვნელოვანი ფეხბურთელების პოზიცია იყო. შენ პოზიციაზე უნდა დარჩენილიყავი, თანაგუნდელს მინდობოდი და გახსნილიყავი.
ვარჯიშების დროს, გვარდიოლა ფლანგებს მონიშნავდა ხოლმე და ჩავისა და ინიესტას სხვის ფლანგზე გადასვლის უფლებას არ აძლევდა. თუმცა, ეს შეზღუდვა იხსნებოდა, როდესაც მოედნის ბოლო მესამედზე გადავიდოდით. ამ დროს, თავისუფლება გვენიჭებოდა.
ერთხელ, მესისთან ბურთის გასათამაშებლად, მარჯვენა ფლანგზე გადავედი. ამ დროს დავინახე, რომ გვარდიოლა ცვლილებას ამზადებდა. მას თამაშის თავისი გეგმა აქვს და თუ მას დაარღვევ, კარგი არაფერი მოხდება."
ამ სიახლეზე კომენტარები გათიშულია.
კომენტარები [ 129 ]