"ბარსელონა" "სანტოსისთვის" 2 მილიონის გადახდაზე უარს აცხადებს
კატალონიის "ბარსელონა" "სანტოსისთვის" კონტრაქტის გათვალისწინებული 2 მილიონი ევროს გადახდას არ აპირებს. ამ ინფორმაციას ბრაზილიური კლუბი ავრცელებს.
როდესაც ნეიმარი "სანტოსიდან" "ბარსელონაში" გადავიდა, კლუბები შეთანხმდნენ, რომ ბრაზილიელის "ოქროს ბურთის" სამეულში მოხვედრის შემთხვევაში, კატალონიური კლუბი დამატებით 2 მილიონ ევროს გადაიხდიდა.
ნეიმარი სამეულში მოხვდა, თუმცა "ბარსა" პირობის შესრულებაზე უარს აცხადებს. კატალონიელებმა "სანტოსს" წერილი გაუგზავნეს, სადაც ნათქვამია, რომ "ბარსელონა" 2 მილიონს არ გადაიხდის მანამ, სანამ კლუბებს შორის, ნეიმარის ტრანსფერის ღირებულებასთან დაკავშირებით, სასამართლოში დავა მიმდინარეობს.
აღნიშნულთან დაკავშირებით "სანტოსმა" განცხადება გააკეთა: "ეს საკონტრაქტო ვალდებულების დარღვევის კიდევ ერთი მაგალითია. კატალონიელები სამართლებრივ რეგულაციას იყენებენ, რომელიც სინამდვილეში არ არსებობს. "ბარსელონა" ყველაფერს აკეთებს იმისათვის, რომ პასუხისმგებლობა თავიდან აირიდოს."
გავრცელებული ინფორმაციით, "სანტოსი" FIFA-ში ჩივილს გეგმავს.
ამ სიახლეზე კომენტარები გათიშულია.
კომენტარები [ 10 ]