"ატლეტიკო" ლეო მესის უფრთხის

ესპანეთის ჩემპიონატის მომდევნო ტურში ერთმანეთს "ბარსელონა" და "ატლეტიკო" დაუპირისპირდებიან. ტრადიციულად, მესის მადრიდელებთან შესანიშნავი შედეგის კიდევ უფრო გაუმჯობესების შანსი ეძლევა.

არგენტინელ ვარსკვლავს ლა ლიგის ბოლო 7 სეზონში მადრიდის "ატლეტიკოს" კარში "კამპ ნოუზე" 12 გოლი გაუტანია. თავდამსხმელმა, 2007/08 სეზონის შემდეგ, მოედანი უგოლოდ მხოლოდ ერთხელ დატოვა. ეს მოხდა ესპანეთის ჩემპიონატის გასული სეზონის ბოლო სათამაშო დღეს, როდესაც გუნდება 1-1 ითამაშეს. აღსანიშნავია, რომ ეს ერთადერთი შემთხვევაა, როდესაც "ბარსას", 2007 წლიდან 2014 წლამდე, საშიანაო შეხვედრაში მადრიდელებთან არ გაუმარჯვია. ასე რომ, თუ მესი "ატლეტიკოსთან" გაიტანს, დიდი შანსია, რომ კატალონიელებმა 3 ქულა მოიპოვონ.

2007/08 სეზონიდან 20012/13 სეზონის ჩათვლით, "ატლეტიკოს" "ბარსელონა" "კამპ ნოუზე" არ დაუმარცხებია. ამ მოგებულ მატჩებში, რა თქმა უნდა, დიდი წვლილი აქვს შეტანილი ლეო მესის. მან "ატლეტიკოს" 2007/08 და 2008/09 სეზონებში (3-0; 6-1) ერთი გოლი გაუტანა, 2009/10 და 2012/13 სეზონებში კი (5-2; 4-1) - 2.

არგენტინილისთვის განსაკუთრებით აღსანიშნავია 2010/11 და 2011/12 სეზონები (3-0; 5-0), როდესაც მან "წითელ-თეთრების" წინააღმდეგ ჰეთ თრიქი შეასრულა. იმედი ვიქონიოთ, ლეო ხვალინდელ შეხვედრაში გუნდს დაეხმარება, "ბარსელონა" კი 3 ქულას მოიპოვებს.

[media=http://www.youtube.com/watch?v=2DKgC-MTJ0I]